枱頭的電話響。
電話：「喂，唔該阿PAUL。」
我：「佢出咗去，你call佢mobile。」
枱頭電話又再響。
電話：「喂，阿PAUL，喂佢地話今晚唔打牌，要睇波喎！你係唔係順便車埋Nancy 嚟？」
我：「阿PAUL出咗去，不如你WhatsApp佢。」
收線。
枱頭電話第三次響。
電話：「喂，阿PAUL，喂佢地話今晚唔打牌，要睇波喎！你係唔係順便車埋Nancy …….」
我好快：「阿PAUL飛咗線呀。」
電話：「點解仲係你聽電話？」
我好快：「阿PAUL飛咗線呀。」
電話：「我次次都係打呢個電話，都無錯。」
我：「其實好多人已經唔識張手機飛線。」
電話:「即係我無打錯電話？」
我：「係，但我唔係阿PAUL。」
邊個話互聯網乜都知，我查維基百科，係無＂電話飛線＂。