總管：老細同五個仔女嘅排位你地要注意一下。
總監：梗係老細排頭啦，然後順次序左至右排，仲有第二個排法咩？
美總：但係啲相太細，人地多數一睇就睇中間嗰個。
總監：咁將老細擺中間囉！
美總：左邊擺兩個，右邊擺三個？我排完位之後，發覺好似電影 <加勒比海盜> 張海報。
家臣：同埋張阿大仔擺係第一位，好似提高咗佢嘅地位，阿媽唔鍾意。
總監：排第一都唔鍾意？
家臣：WELL，呢度講呢度散，大仔其實係同第二個生嘅。

全部人靜晒

美總：不如當氣球咁，上排三個，老細中間，下排又三個。
總監：咁上邊邊個排第一？
家臣：老細暫時最信第二仔，同第三女。
美總：咁就大仔，四女，五仔就排下邊。
總管：但五仔讀完 PhD翻嚟，其實會接收財金發展業務，會好睇重。
美總：咁佢重有幾多年讀呀？
總管：讀PhD點會知讀幾耐㗎？佢唔係喺菲律賓讀喎！
總監：其實依家分兩排，但喺手機睇，就一棟直落，老細變咗排第二，怪怪地。

幾丁高層傾排位傾咗兩個鐘。