古叔：老闆覺得公司啲嘢唔夠透明，所以要整個系統俾人用，等老闆去可以隨時查根溯源。
所有人贊成。
古叔：要整個business process嘅系統，介定每人做啲乜，做完一個步驟就自動去下個部驟，唔使啲文件傳來傳去。
所有人贊成。
我：可以由HR做起啦。人地都傳咗張CV嚟，清清楚楚，仲要人填張乜鬼form做乜，張form啲料，點會齊過張CV，張CV都用電腦print，簡直浪費時間。
古叔：咁有啲嘢又真係要人手做既。
我：肯定唔係填form。
古叔：咁個人嚟到等老闆面試，唔填form做乜？
我：咁點解唔叫老闆早啲面試？
古叔：老闆可能唔得閒。
我：唔得閒就約遲啲。
古叔：咁佢係老闆，佢話唔得閒都無辦法。
我：咁同填form有乜關係？佢等緊，用手機玩下Candy Crush都應該啦！
古叔：咁面試應該做正經嘢。
我：填張不會用的form，有幾正經？
古叔：咁都要統一啲資料。
我：咁不如叫佢地填張電腦form啦！
古叔：咁我地又無部電腦叫人填。
我：咁叫佢係屋企填啦！
古叔：係屋企，又點知啲嘢係佢填？

這件事剛發生在我公司。
我都幾肯定我由窗口跳下去，會死的。
好在公司的窗不能打開。

我支持香港槍械合法化。