勁仔：我地公司實力雄厚，想要你們的獨家代理。
我：好，一億一年保証金，加分紅。
勁仔：我地係唔會俾保証金。
我：咁我都唔需要俾你獨家代理。
勁仔：我地實力好雄厚，馬雲，你聽過未？
我：聽過，對於我嚟講同風雲，劉雲，陳雲，雷雲都無分別。
勁仔：嗰啲我未聽過，你唔好講笑。
我：我都唔明依家馬雲有乜咁勁啫，佢又唔係俾錢你使。
勁仔：好多人同佢做生意都發咗。
我：佢2014年的公司，執咗30%，你知唔知？
勁仔：我地一講出去，大家都自然會爭住嚟。
我：以前的的打車，或快的，最後都係益咗支付宝同WeChat，司機都係賺少少，而且都賣埋。
勁仔：喺香港揾唔到第二間咁勁既公司。
我：咁我都信，不過我俾咗獨家畀你，就畀唔到第二個，咁你唔理我，我繼續做生意就違約，你諗掂再揾我。
勁仔：咁你即係想點？
我：其實你見過馬雲未？
勁仔：未。
我：我就見過，喺電視。
勁仔：即係未見過啦。
我：你係電視都未見過就覺得佢勁？奇。你入咗間公司應該唔夠三個月。
勁仔：我上星期先返工。
我：不如你過咗probation再揾我，好唔好？