要重執老闆仔的BIO，真麻煩！

鄭大大先生生於傳統華人家庭（註：唔係傳統華人，就唔會咁寫 BIO！），

在美國西岸長大及受教育 （註：死都唔寫學校名，有幾知名呢…… 不過，好在不在菲律賓！)，

學成後回中國在大大集團任職，早在二十多歲已開始主導大型地產項目發展，是少有三十歲前能主導大型項目的管理專材 （註：車！十歲前都得添，如果當年你阿爸得！），

短短幾年已吸收大量管理（註：有幾大量呀？幾多Litre？），
營商及行政經驗 （註：營商咪又係淨係識媽叉啲sales！行政，咪又係叫秘書做！） 。

鄭先生成長過程同時受東西方文化薰陶（(註：去下美國就受東西方文化薰陶，咁MIX嘅咪注定做大住使館！)，
建立出積極進取（註：我要下個月爆quota，唔係炒X晒你地！）和開明創新（註：即係亂X咁嚟）的風格。

鄭先生相信近年科技高速發展令全球進入前所未有的新經濟模式（註：廢話！都未出iPhone 10），
企業需要不斷求變（註：即係不停炒人）及創造獨特優勢 （註：他只有一個阿爸，其他人無）才能在競爭激烈市場繼續前進。除傳統地產業務外，鄭先生目前負責集團旗下金融、電商、海外事業、電影、物流、農產品、蓄牧、石油事業等多個新板塊發展（(註：買咗長和股票啫，使唔使講咁多），

積極地帶領集團面對未來挑戰（註：超！未來挑戰，蝙蝠俠咩！超人咩！未來嘅挑戰係老豆長生不老，二細佬繼續游手好閒，三細佬不停讀書唔工作，姐夫專心做醫生，妹夫專心賭錢）。

在發展事業的同時，鄭先生長期支持高等教育（註：方便溝一等學生妹），

代表集團向多所國內大學分享管理經（註：管理經驗就係阿爸幫你搵到合適人選），

包括北京創科大學、中國人民工業及藝術大學、對外經貿大學、外交學院、中國傳媒大學等，並協助部分學校創建創新創業基金。（註：協助啫，唔係捐）

社會責任方面，鄭先生積極推動集團各部門在汶川地震、雅安地震等災情參與捐款慰問 （註：睇清楚，係員工要捐款，員工要去慰問！）。

鄭先生為現任的重慶市政協委員，為該地區發展提供全方位意見。（註：薄熙來走咗，個個帶頭盔上位）