人事部大叫：哎，個個月都要我出信警告，叫人早啲返，真係嘥晒我啲時間！
我：其實你要搞幾耐？
人事部：兩日左右。
我：唔係有電腦幫你咩？
人事部：咁都要我sort出嚟，然後先有得計下總共遲到幾多分鐘。
我：咁你有無計下，所有人總共早到幾多分鐘？
人事部：早到，無事㗎。
我：咪囉，遲到其實都唔使理。
人事部：咁遲到會令公司損失，佢地無做嘢。
我：咁早到，佢地係咪有做嘢？
人事部：我當係㗎嘞。
我：遲到啲人，又遲幾多走？
人事部：我唔理啦！邊計得咁多。
我看著份report：公司40幾人，一個月總共遲到都唔夠300分鐘，你就用咗兩日，即係16個鐘，960分鐘去搞份咁嘢，炒咗你，好似划算啲囉！

最尾嗰句，諗下啫，未做，都無同佢講。費事啦！年尾流流，度下明年佢做乜重好。