創作總監：個版面太多字，要留白有透氣位。
老細：啲人係睇新聞，唔係睇白色，你識唔識新聞㗎？

Apps developer：個menu最多十個item就夠嘞，太多，要碌到落底，無人睇架！
老細：我地有咁多個項目，唔分清楚，啲人點識睇呀！你唔識做apps就出聲，等我教你。

編輯：講完支持，又話反對，人地會睇到頭暈。
老細：呢啲叫持平呀，唔講下支持同反對，人地點支乜嘢係持平呀！唔識新聞唔好同我講，講極都唔明，真係狠鐵不成鋼。

編輯：呢篇讚689的，使唔使加兩句彈下佢呀？
老細：佢點同之前嗰個比呀？之前嗰個人人想佢死；呢個不過有人憎佢，你彈佢做乜呀？乜嘢叫立場呀？你識唔識呀？乜都要問。

設計師：張相藍色，你套隻紅字，又係深色，撞到好奇怪。
老細：唔係咁樣唔通擺翻隻藍色落去咩！你識唔識設計㗎？唔識就跟我！

推廣宣傳：我地一定要喺Facebook推廣先人人都識。
老細：我就唔睇Facebook嘞。人地係嗰度睇完，仲使乜嚟你呢度睇呀！你用下個腦得唔得！

Sales：呢個客話唔啱客路，唔落廣告嘞。
老細：唔啱客路？我地有乜客路係佢要，我地無架！你識唔識問下個客呀？依家無，將來會有咖嘛！你估呢度係北韓呀，唔識變架？
老細最後一句其實講了很多人心聲。
珍重。