大口哥：阿邊個話你好懶，日日睇Facebook，一啲都唔似大佬喎！
老細：佢話咪由佢話囉！
大口哥：佢仲成日同啲人一齊食飯，講你壞話，又話你以前點點點，其實無乜料到。
老細：咁我唔同佢食飯，佢地自己食，有乜問題？叫人食飯唔講嘢？自己仔女都教唔到。
大口哥：咁啲女人一圍埋梗係講是非架啦！
老細：其實男人都講。
大口哥：男人講極都正經啲。
老細：你咪日日講點溝啲中女，都唔見得正經。
大口哥：咁我唔係講公事？
老細：你講私事講到咁大聲，都唔係幾好啫。影響你形象。
大口哥：我好心提下你，佢地吱吱噚，都唔好。
老細：唔准佢地講，要佢地寫WhatsApp咪仲麻煩，浪費時間。
大口哥：你可以禁咗佢地玩WhatsApp㗎！
老細：使唔使呀？
大口哥：好多人都咁做，你睇下啲銀行teller，又或者大家樂啲收銀。
老細：我諗你嚟錯公司，換咗喺北韓，你可能升咗職。