老闆：做乜鬼成日去搬貨？
同事：因為無人搬。
老闆：我叫你快啲請人。
同事：快啲請到人，當然請。
老闆：請人搬嘢有幾難！
同事：你淨係出最低工資。
老闆：香港咁多人無嘢做！你有無用心去搵過。
同事：用心搬嘢嘅既人，真係少。
老闆：之前嗰啲唔得咩！
同事：佢唔識英文。
老闆：搬嘢駛乜識英文。
同事：你上次都係咁，結果批貨明明係去深圳，結果車咗去深水埗！
老闆：咁你講定俾佢講，個英文代表乜，單字就好快可以解決問題啦。
同事：我教咗啦，我話啲CREAM要運去餐廳。
老闆：咪係囉，咁簡單！
同事：佢連HANDCREAM，同啲 Cream Mask都運埋！ 搞到要其他人攞翻出嚟！
老闆：我多多錢都請！你快啲搵人。
同事：你搵咗我囉。老實講，其實我人工都係低，係咪有得加？