DD：老細，你唔係話乜表都唔駛填咩？
老細：係。
DD：咁點解我仲要填個人資料？
老細：至少都要寫你地址，有危急事通知邊個。
DD：有危急事，你地唔係報警？
老細：都會，咁通知完警察都要搵下你家人，話聲俾佢聽，無理由喺你FB上留MESSAGE，例如話你好快入醫院㗎？ 何況我好似無你FB。
DD：我一個人住。
老細：咁香港無親人？
DD：都有，但無乜聯絡。
老細：咁寫個朋友囉。
DD：怕人話我搞GAY。
老細：咁寫個女人咪得囉。
DD：怕人地誤會。
老細：咁你保險寫邊個吖？
DD：好似要改下嘑，前年瓜咗。
老細：如果你保險寫我係受益人，我或者都可以喺你危急時嘅聯絡人嘅……
DD：老細，我依家先知你咁衰，睇你平日笑騎騎，其實放毒蛇。
老細：咁你都未我寫係你受益人，認清我真面目就得啦。
DD：咁我係咪可以唔寫？
老細：你平時最多打電話俾邊個？

DD 遞上他的電話清單，有個 2字頭的8個字電話。

老細：就呢個啦。
DD：係管理處。
老細 @_@”：做乜成日打俾管理處？
DD：隔籬裝修，樓上又漏水。
老細：咁你成日WHATSAPP 邊個吖！

DD給老細電話，全是公司同事的WHATSAPP。

我諗，有他的問題的，不只他一個。阿彌陀佛。阿門。