普查員：請問你太太喺2016年1-6月做甚麼職業？
答：主婦。
普查員：請問你太太喺2016年1-6月，有無其他收入？
答：我覺得無，但相當有可疑。佢買好鬼多嘢，都唔知係邊度嚟，方便嘅你上嚟再查多次，問下佢，我淨係俾家用。老實講都係猛猛緊，但佢好濶綽，成日請人食好嘢，啲榴蓮一大個一大個咁買架……
普查員：請問你傭人姐姐喺2016年1-6月，係咪喺度工作？
答：係。
普查員：佢幾錢人工？
答：三千幾掛？老婆俾。我其實唔知。
普查員：好似低過最低工資。
答：你第一次嚟，同你唔係咁熟，你唔好亂講~~~
普查員：咁你知唔知佢除咗出糧，有無其他收入？ (遞上平板電腦)
答：我覺得佢有架。佢星期日著到鬼咁靚，啲紙袋個個都係名牌。
普查員：紙袋？
答：係呀！一定係裝啲貴嘢去賣。
普查員：賣乜？
答：我點知？月餅啩！我無睇佢Facebook，但人人都話佢地成日買啲嘢擺上網到賣，你有佢個名，上去查下佢Facebook先作實會好啲！
普查員：咁你傭人姐姐除咗講家鄉嘅話，重識唔識其他語言，例如中文？
答：佢話佢唔識，但係次次問我趨我攞人工，都話＂先生，出糧嘞！＂。有時我地講講下嘢都停咗手上做緊嘅嘢。我覺得一定係聽緊我地講嘢！佢好蠱惑，我有時都唔信佢唔識廣東話。